Egubakoitzera arte luzatu dute hondakinak batzeko materiala jasotzeko epea

Oihana Elorza Gorostiza 2013ko eka. 4a, 12:24

Gaur, martitzena, bukatzen da hondakinak gaika batzeko materiala jasotzeko epea. Udala Gorbernuak jakitera eman duenez, atzora arteko datuen arabera, bataz beste %93ak jaso ditu ontziak. Oraindik jaso ez dutenek, aukera izango dute inzidentzia gunean jasotzeko, egubakoitzera arte.

Inzidentzia gunea Zubikoa kiroldegian dago, kantxa urdinean, eta hauxe da ordutegia: 10:00etatik 13:00etara eta 16:00etatik 20:00etara.

Udal Gobernuak balorazio "oso positiboa" egin du. Hauxe da bidali duen prentsa oharra:

"Atez atekako sistema martxan jartzeko beharrezkoak diren ontzien banaketa gaur amaitzen da. Atzora arteko datuen arabera bataz beste %93ak jaso dute ontziak. Hartu ez dutenen %7an barruan hutsik dauden etxe bizitzak ere badaude. Beraz, okupatuta dauden etxeetaz hitzegiten badugu ontziak jasotzera pasa direnak %97raino iritsi daitezke (Ugarkalde, San Martin eta etxe hutsak apenas dauden auzoetan lortutako emaitzak).
Udal Gobernu Taldetik balorazio oso positiboa egiten dugu eta eskerrak eman nahi dizkiegu banatze lanetan aritu diren bolondres guztiei bereziki. Baita sektore batzuetatik egindako boikot deiari jaramonik egin gabe gerturatutako herritarrei. Garbi geratu da herrikoa ez den plataforma batek egindako deiak ez duela oihartzunik izan.
Oraindik ontziak jaso ez dituzten herritarrek aukera izango dute inzidentzia gunetik pasa eta hartzeko. Inzidentzia gunea kiroldegian antolatu dugu eta ostirala arte egongo da zabalik 10: 00etatik 13:00etara eta 16:00etatik 20:00etara".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak