Oñati Zero Zabor taldeko kideek poza adierazi dute ekitaldia iragartzeko agerraldian, euren esanetan hondakinak egoki kudeatzeko helburuz egindako bi urteko lanaren ostean sistema berria ezartzera doazelako herrian. Sistemarik eraginkorrena, %80ra arteko gaikako bilketarako modua ematen duena, azaldu dutenez.
Adierazi dute Gipuzkoako beste bederatzi herrirekin eta munduko beste hainbatekin batera eredugarri izango dela Oñati, eta hondakinak prebenitu, berrerabili eta birziklatzearen garrantzia nabarmendu dute.
Bestalde, arduragabekeria eta arinkeria jo dute Gipuzkoako atez atekoaren kontrako plataformek oñatiarrei etxerako edukiontziak ez jasotzeko egindako deia, eta konfiantza agertu dute jendeak ez diela kasurik egingo.