Argindarraren kontsumoaren diagnosia egin zuten joan den ikasturtean Txantxiku ikastolan, eta hortik abiatuta, hobekuntza plana jarri dute martxan. Batetik, argiteria aldatu egingo dute ikastolako gela eta eremu gehienetan. Bestalde, irakasle eta langileek argindar kutsumoa gutxitzeko sentsibilizazio saioak jasoko dituzte otsailean.
Bestalde, astean behin, jaki ekologikoez egindako menu begetarianoa eskaintzen dute jantokian, dietista batek planifikatuta, gainerako menuak bezala.
Zaborraren kudeaketa
Eskola Agenda 21 ekimenaren barruan, zaborren kudeaketaren programa jarri dute martxan beste ikastetxeetan bezala, Arazi izeneko enpresaren aholkularitzapean. Txikienek, "Etxeko hondakinak aztertzen" atala landuko dute. LHkoek herriko kaleetan, saltokietan, lantokietan zaborrak nola kudeatzen diren aztertuko dute. BHkoek, bestalde, zaborrak kudeatzeko dauden aukerak.
Igurumenaren errespetua eta garapen jasangarria ardatz hartuta, hiru ardatz nagusi ari dira jorratzen azken hilabete hauetan Txantxiku ikastolan: argindarraren kontsumoa murrizteko plana, menu begetarianoaren aldeko aukera eta zaborraren kudeaketaren programa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak