Bost alebinek, bederatzi infantilek, lau kadetek eta beste lau jubenilek eratzen dute taldea. Aurten, iaz baino neska bat gehiago dute euren artean; hiru guztira (denak infantiletan).
Talde guztiak aurkeztu zituzten, txirrindulari bakoitzaren izenak banan-banan esanez. Ondoren, talde argazkiak atera zituzten. Guraso dezente bildu zen euren seme-alabei erretratuak ateratzeko.
Pedro Irurzun presidenteak adierazi zuen: "Ilusio handia dute denek. Txikienak indar askorekin datoz, gainera. Lasterketa askoko denboraldia izango da".
Lasterketak, Oñatin
Alebin eta infantilek herrian bertan ekingo diote denboraldiari martxoaren 31ean. Beste lasterketa batzuk ere izango dituzte Oñatin: Arantzazuko Igoera (maiatzak 12), Gipuzkoako Txapelketa (ekainak 2), San Migel Saria (irailak 8) eta Oñati Saria (irailak 22).