Uztailaren 3tik 5era
Hamargarren urteurrenaren ekitaldi potoloenak uztailaren 3tik 5era arteko aste bukaeran egingo dituzte Oñatin. Herriko kultur taldeen parte-hartzearekin ekitaldi potoloa egiteko asmoa dute; oraindik baina, ez dute uztailaren 4ko egitaraua erabat lotu. Gainera, Arrikrutzera bisita gidatua egingo dute Chateaubernardetik datozen lagunekin. Bestalde, uztailaren 5ean protokolozko ekitaldia egingo dute Oñati eta Chauteaubernardeko udal arduradunek, eta duela hamar urte sinatutako hitzarmena berretsiko dute. Frantziarrek gurera egingo duten bisitaren itzulera urriaren 10etik 12ra egingo dute oñatiarrek.
Musika eta futbola
Urtemugaren barruan beste bi ekitaldi egingo dituzte: alde batetik, maiatzaren 17an Oñati Abesbatzak kontzertua egingo du. Beste alde batetik, Aloñako alebinek nazioarteko futbol txapelketa jokatuko dute Chateaubernarden.
Anaitze gehien dituen herria
Oñati da Gipuzkoan senidetze gehien dituen herria. Hain zuzen ere, bost herrirekin dago anaituta, eta beste hirurekin adiskidetasun hitzarmenak ditu sinatuta. 1997. urtean egin zuten lehen senidetzea Mexikoko Zacatecas herriarekin. Zacatecas herriko fundatzailea oñatiarra zela-eta, bi herriak hartu-emanetan jartzeko burutazioa izan zuten. Era berean, Guadalajara eta San Luis Potosi herriarekin dago anaituta. Arlo solidarioari dagokionean Saharako Gleibat el Fula eta Argentinako Jose C. Paz herriekin dauden anaituta. Aldiz, ardatz kulturalari dagokionean Frantziako Chateaubernard-ekin egin zuten hitzarmena duela hamar urte.
helburuak
Anaitze Batzordeak egindako anaitzeen helburuak elkartrukeen bidez, solidaritatea erakustea, elkar ulertzea eta errespetua bultzatzea dira.