Gaixe askontzako aspergarrixe izen leikien arren, nire helburue, honen inguruen, alarma lekaixo bat egin eta jentie hausnarketara bultzeketie baiño ez da. Erantzunkizune danona dan arren, konpromisuen ifiñi gure nittukienak eguneroko euskal hiztunek die, bestiek aitteketarik be ez nittuke gure.
Edade batetik gorakuek, eta batez be baserri inguruko jentiek, harrigarrixe egitten jat ikustie askok eta askok zeiñen euskera pobrie egitten dauen, eta batez be umiekin dabitzenien.
Erderazko berba eta esamoldiek nahasketako ohittura haundixe dau eta sarritten, umiekin batez be, batureko joerie hartzen dou, hobeto ulertuko duskuelakuen. Hitanuen gaiñien, barrez, hika entzutie ondiokan be normaltxuaue egitten bajaku be, noka entzutie oso arrarue da zenbait emakume nagusitten izen ezik, eta gizonezko askok, barrez, emakumiei be hika egitten dutzie toka eta noka bereiztu barik. Kapaz izengo ete giñake hausnarketa txiki bat egin eta euskalkixen jator berba egitteko, ahal dan neurrixen garbi eta aberats kanpoko beste hizkuntzen eragin barik, eta baloretan herrixen daukun hizkuntza ondasune, atzetik datozenentzako transmisiño lana egiñaz?
