11 egun eskas gelditzen dira Euskaraldiari hasiera emateko eta Txantxiku Ikastolako komunitateak ere bertan parte hartzeko deia zabaldu nahi izan du bideo baten bitartez. Azaroaren 23an hasiko den ekimenean bakoitzak "AHOBIZI" edo "BELARRIPREST" izan nahi duen aukeratu beharko du eta abenduaren 3ra bitartean rol horretan jardun beharko du. Bideo honen bitartez, ekimenari atxikimendua emateaz gain, oraindik izena eman ez dutenei parte hartzeko gonbitea luzatu nahi diete. www.euskaraldia.eus webgunean dute informazio guztia.
Gero eta gehiago dira Euskaraldiari babesa erakutsi dioten herri, erakunde, elkarte eta mota guztietako kolektiboak. Ostiralean, Txantxiku Ikastolako komunitatea osatzen duten ikasle, guraso eta langileek ere bat egin zuten ekimenarekin eta bideoan jaso zuten beraien atxikimendua.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
