Iaz Oñatin ospatutako Kilometroen harira sortu zen MENDIMETROAK ekimena, aurtengoa beraz bigarren edizioa izango da. Lehiakortasuna alde batera utzi eta haur eta gazteen artean mendizaletasuna bultzatzea du helburu nagusietako bat ekimenak. Modu berean, Gipuzkoako ikastola guztietan Kilometroak jaia urte osoko jaia dela eta ez dela egun batera mugatzen gogorarazteko baliatu nahi da ekimena baita ere.
Maiatzaren 20a da aurtengo MENDIMETROAK ospatzeko aukeratu den eguna eta Oñatin Gorgomendira (Aloñara) igoko dira. Txantxiku Ikastolako antolatzaileek goizeko 9:00etan herriko plazan egin dute hitzordua. Handik taldeetan banatu eta Arantzazura kotxeetan abiatuko dira eta bertatik oinez Aloñaraino igoko dira.
Iaz bezala, ikastola bakoitzak irteeraren taldeko argazkia egingo du gailurrean eta irudi guztiekin egindako mosaikoa kilometroak.eus webgunean ikusgai jarriko da ekainaren hasieran.
Igandean MENDIMETROAK ospatuko da
2018ko mai. 16a, 11:53
Urretxu-Zumarragako Ikastola da aurtengo Kilometroak jaiaren antolatzailea eta iaz Oñatin hasitako bideari jarraipena emateko, MENDIMETROAK ekimena antolatuko dute Gipuzkoako ikastola guztietan. Oñatin, igandean burutuko da eta Txantxiku Ikastolako ikasle, guraso eta langile guztiak gonbidatu dituzte parte hartzera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak