2016-2017 ikasturtean Haur Hezkuntzako etapan IXUTU proiektua abian jartzera goaz Txantxiku Ikastolan. Konfiantzaren Pedagogiaren hautua egin dugu eta gure Ikastolako errealitatea aintzat hartuz, hainbat ekarpen egin dizkiogu. Erabaki horiek korronte pedagogiko honekin bateratuz, IXUTU proiektua sortzeko urrats garrantzitsuak eman ditugu, eta horien berri emateko aurkezpen ekitaldia egingo dugu gaur, martxoaren 1a, Santa Ana Antzokian arratsaldeko 18:00etan.
Ekitaldi hau Txantxiku Ikastolako guraso, bazkide eta lagun zareten guztioi zuzendua dago. Zatoz! Zuen parte hartzea behar dugu, hezkuntza komunitatea osatzen dugun guztiok elkarlanean sortuko dugulako Ikastolako eredu pedagogiko berria.