Datorren urtarrilaren 30ean kantu afaria egingo da Ikastolako Gurasoen Euskara Taldeak antolatuta . Aurrekoak bezala Larraingain elkartean izango da. Bakarrik zenbat izango garen jakitea falta da!
- Eguna: urtarrilaren 30a, egubakoitza, 20:30ean
- Tokia: Larraingain elkartean
- Menua: txistorra, bakailao tortilla, entsalada, saiheskia,
postrea eta kafea (eztarria berotzekorik ere izango da)
- Prezioa: 15-20€ gutxi gorabehera
Afalosteko kantuak gidatzeko ardura “Sei Pistols (eta trabuko bat)” taldeak izango du. Trikitixa, biola, gitarra, pianoa, txistua eta perkusioarekin, betiko doinu herrikoiez gain, Oskorri, Xabier Lete, Benito Lertxundi, Sorotan Bele, Zea Mays… taldeen kantez osatutako errepertorioaz gozatuko dugu. Kantu liburuak ere banatuko dira.
Honako gonbidapena ikastolako guraso, irakasle, langile eta ikasle ohiei dago zuzenduta. Beraz, lagun arteko giroan afaldu eta afalostean kantuan egiteko gogorik baduzu, hemen duzu aukera!
Afarira etortzekoa bazara, izena emateko hiru aukera dituzu:
· Bidali mezua: txantxiku@ikastola.net
· Deitu telefonoz: 943 78 12 04
· Bete “Gurasoendako Txipistinak” buletineko izen-emate orria eta ikastolara bidali.
Izena emateko azken eguna urtarrilaren 28a izango da.
ANIMATU ZAITEZTE!