Jeloskortasunak gure seme alaben bizipen eta jokaerak baldintzatzen ditu. Eta anaia-arreben arteko iskanbilak ezinbestekoak badira ere, zer egin dezakegu horiek gutxitzeko edota arintzeko? Helduon zein jarrerak lagundu dezake? Nola egin bitartekari lana beraien arteko gatazketan? Horretaz guztiaz arituko da Nerea Mendizabal eguazten honetan, hilak 8, arratsaldeko 18:00etan Txantxiku ikastolako areto nagusian (San Juan, 1). Azpimarratu nahi dugu ZAINTZA ZERBITZUA izango dela 8 urtera arteko umeentzat.
Txantxiku ikastolan 'Txikitxoen jardunaldiak' antolatu ditugu, eta urtarrilean zehar hainbat jarduera izango ditugu gurean (hitzaldiak, bilera informatiboa, ate irekien jardunaldia, antzerki emanaldia...). Programa osoa gure web orrian eskuratu ahal izango duzue.
Jardunaldi horietako lehen saioa bihar bertan izango da, eta horretan Nerea Mendizabal psikopedagogian lizentziatuak eta komunikazioan adituak ANAIA-ARREBEN ARTEKO JELOSKORTASUNA ETA BERAIEN ARTEKO GATAZKAK izenburua daraman hitzaldi interesgarria eskainiko du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak