Oztopoen gainetik…

Erabiltzailearen aurpegia

Ez da gai berria, baina azken aldian, euskararen normalizazioari eta hizkuntz politikei eragiten ari dira. Patrick Dallennes, Frantziako Gobernuko ordezkariak eta Carlos Urkixo Espainiako Gobernuak EAEn duen ordezkariak, euskaraz bizitzeko nahia burutzen ari diren administrazioen urratsak zapuzten ari dira.

 

Patrick Dallennes-ek, Hendaiako ikastola laguntzeko Herriko etxeak hartutako erabakiaren kontra egin zuen eta baita Uztaritzeko Herriko Etxeak euskara ofizial izendatu izana salatu. Urkixok aldiz, UEMAn dauden 15 udalen aurkako helegiteak jarri ditu Estatu espainiarreko gobernu ordezkaritzara aktak euskaraz bidaltzeagatik.

Kasu hauek, euskaldunak askeak ez garela agerian uzten dute. Ez digute uzten euskaldunok nahi dugun, behar dugun eta erabakitzen dugun ekintza politika egiten. Bizi nahia gauzatzeko urratsak ematen diren bakoitzean esku-hartzea jasaten dugu etengabe. Euskarari, balio guztia kentzeko prest daude baina zorionez, instituzio batzuk oztopoei aurre egin eta euskaraz bizitzeko determinazioa erakutsi dute. Helegiteak jaso dituzten udaletako arduradunek beraien jarrera argi azaldu dute eta hartutako erabakia irmotasunez defendatu dute.

Beraz, txalotzea eta babestea dagokigu orain, alboan izango gaituztela erakustea. Horretarako, otsailaren 28an Donostian egingo den manifestaziora joatera animatzen zaituztet. 

Euskaraz biziko gara!

Erlazionatuak

Autobusez Kontseiluaren Donostiako manifestaziora

Erabiltzailearen aurpegia Arrasate

Arrasateko Euskalgintzak autobusa antolatu du, Aretxabaletako Loramendi elkartearekin batera, datorren asteko zapatuan, otsailak 28, Kontseiluak de...
Udalak eta Jardunek bat egin dute bat egin dute Kontseiluak deitutako manifestazioarekin

Bergara

Kontseiluaren deialdiarekin bat egin eta hura sustatzearekin batera, Bergarako Udalak eta Jardun Euskara Elkarteak aste barruan mobilizazioak deitu...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.