Egun, prozedura horrek urrats jakin batzuk ditu. Labur-labur esanda: behaketa, hipotesiak egitea, esperimentatzea, emaitzak aztertzea, ondorioak ateratzea eta berauek publikatzea. Metodo horren ezinbesteko ezaugarriak ditugu erreproduzitzeko gaitasuna, beste edonork edonon probatzeko aukera, eta ezeztagarritasuna, edozein proposamen zientifiko errefusatu baitaiteke faltsua dela probatuz.
Instagramen lurra laua zela aldarrikatzen zuen bideo batera heldu naiz asteon, eta ia-ia konbentzitu nau, irudi polit eta diskurtso erakargarriaz apaindurik. Netflix plataformako serie batek iruzur baten historia kontatu dit, sagar ozpinarekin kantzerra sendatu zuenari buruz.
Zientzia ez da denera heldu, asko dago egiteko, baina nik esaten dudalako, sinistu aspaldi errefusatu zen, ezin baita erreproduzitu ezta ezeztatu.
