Euskaraldia ez da gure euskara maila erakusteko; jarrera kontua da, konpromisoa eta ekimena. Euskara dakigunok –ondo ulertzeko beste, behintzat) euskara gehiago, gehiagotan eta gehiagorekin erabiltzeko konpromisoa da: hori baino ez, baina, ene, zenbat eta zein garrantzitsua den hori!
Eta bi konpromiso mota dago, erabilerari begirakoak biak, jakina! Batean, niri denek euskaraz egitea nahi dutaldarrikatzen dugu: besteok egiten badidazue, seguruenik, gehiagotan erabiliko dut. Hori da belarriprest-ek egin behar duten ariketa. Bigarrenean, ostera, denekin euskaraz jarduteko konpromisoa hartzen da. Ahobizi-ek guztiei egingo diete lehenbiziko hitza euskaraz: berdin zein den; eta erantzuna euskaraz ez bada ere, euskaraz jarraituko du, etsi gabe, komunikazioa ezinezkoa dela ikusi arte.
Jarrera kontua da; hortaz, egin dezagun ariketa ondo pentsatuta, euskaraz bizitzea helburu!