Fundazioko proiektuek lorpen esanguratsuak lortu dituzte bertakoen bizitzak hobetzeko helburuarekin, eta egun, Niassa eta Cabo Delgado probintzien artean 15.000 nekazarirengana iristen dira onura horiek.
Mozambikera Euskal Herritik joan den taldea osatzen dute honako hauek: Gernikako Maier kooperatibako Eneko Redondo; Aretxabaletako Hiruatx GKEko Oihana Arietaleanizbeaskoa; Arrasateko Harreman GKEko Andoni Uribeetxeberria; Mundukideko boluntarioen arduraduna Mari Luz Tome; Mundukideko komunikazio arduraduna Urri Urizar; Mundukideko Afrikako proiektuen kudeatzailea Adrian Lamas; eta Goienako kazetaria Amaia Zabala.
