Lutar, Contruir Reforma Agrária Popular!

Erabiltzailearen aurpegia
Otsailaren 10ean hasita 16 arte, Brasilgo MST “ Movimiento sin Tierra de Trabajadores Rurales”, mundu mailako giza mugimendu handiena, VI. Kongresu Nazionala ospatzen ari da Brasilian. Brasilen lanean ari diren Mundukideko kooperanteak ere bertan parte hartzen ari dira.

23 estatuko 15 .000  lagunek eta mundu osoko 250 gonbidatuk hartuko dute parte sei  egunetarako  antolatutako ekintza eta ekitaldietan. Gaur egun, MST  400.000  familiaz osatuta dago eta  erabiltzen ez den lurra botere gabeen eskuetan gera dadin eta nekazaritzako erreformaren alde lan egiten dute.

  “Lucha, Construir Reforma Agraria Popular” lemapean  antolatutako Kongresuaren helburu nagusiak hauexek dira:

 

  • ·         Mugimenduaren gaur egungo  egoeraren balantze kritikoa egitea.
  • ·         Lurraren alde borrokatzeko  modu berriak eraikitzea.
  • ·         Basilerako Nekazal erreforma berria eta eraldaketa sozialerako  ildoak lantzea
  • ·         MSTren 30. urteurrena ospatzea

Orain dela 30 urte  hasitako bezala, MSTk  latifundioetan erabiltzen ez  diren lurrak okupatzen jarraitzen du. Izan ere, egoera larrian dauden milaka familiek  lurra  behar dituzte bizi-irauteko eta ekonomiari eutsi ahal izateko. Gaur egun, 1,5 miloi pertsona (300.00 familia) MST ko asentamentuetan bizi dira  eta beste 150.000 oraindik akanpamentuetan daude. Honek esan nahi du, 300.000 familiei, bataz beste 15 urte lurrak okupatzeko txaboletan bizi izaten egon eta gero, lurren jabetza lortu dutela eta adreiluzko etxetxoetan bizitzera pasa izan direla. Beste 150.000 familia oraindik, pistoleroen eta eskabadoren beldurrez bizi da egur xafla eta txapazko teilatu azpian.

MST, MUko Lanki ikertegia eta Mundukideren arteko elkarlana 2000. urtetik dator, Brasilgo  nekazal mugimenduan eredu kooperatiboa ezartzeko asmoz.  Brasildarrak sei urtetan enpresa mota honen ezaugarriak aztertzen  aritu ondoren, Brasil hegoaldean kokatzen den Parana eskualdean jarri zen martxan lehen esperientzia bateratua.

Gaur egun, bada helburu berdinak dituen  bigarren programa bat Sergipe estatuan  eta elkarlanaren emaitzak denon arteko lana goxatzen dute.

http://www.mst.org.br

http://youtu.be/gcuU6kLdEPk

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.