Oso albiste ona da berrikuntza gose hau, bereziki gure herri izaeraren garapena bilatzen duelako. Beharrezkoa dugu etorkizunari buruzko galdera egokiak egitea, eta gure baitatik erantzunak bilatzea. Munduaren bilakaerak, berez, gu bezalako komunitateak desagertzea dakar, ez gara sistemarentzat beharrezko. Irautekotan, iraungo dugu munduan egoteko tokia, modua eta indarra aurkitzen baditugu. Laborategi lan itzela eskatzen du horrek.
Orain behar duguna da sortzen ari diren laborategiak herri estrategia partekatu baten baitan lankidetzan jartzea, elkarren osagarri, lehia guztien gainetik eta goi-interes guztien azpitik euskaldunok behar dugun zoru komuna indartzeko tresna izan daitezen.
