Parekotasunak ikusi izan dizkiot hiesari eta COVID-19aren pandemiari. Hasieran, sorpresa eta ezjakintasuna izan zen; horrek beldurra eragin zuen, eta, ondoren, mesfidantza eta konspirazio paranoiak; azkenik, soluzioa topatu zuen Zientziak, hiesaren kasuan antirretrobiralekin kroniko bihurtuz eta COVID-19aren kasuan txertoa garatuz.
Hiesari aurre egitea ez zen samurra izan. GIB erretrobirusa da, zelula barnean ezkutatzen da, eta urteak eman ditzake gaixoak jakin gabe. Baina isilean sistema immunologikoa erasotzen ariko da, eta gorputza babesgabe uzten. Aurtengo Hiesaren Egunaren leloa Utzi komunitateari gidari izaten da. Komunitatea, elkar zaintza... hausnarketarako ideia.
