Txantxikuarren hizkuntza zalantzak argitu eta erabiltzeko sortu da Gure katona. Egilearen esanetan, inkomunikazioa erraztera dator. Hau da, norbaitek eguastena esan eta parekoa ez dadin geratu zer erantzun ez dakiela. Nik, baina, beste funtzio bat ere ikusten diot liburuari. Oñatin ez dut aspaldi belarria jarri, baina gaur egun Debagoieneko kaleetan gero eta okerrago hitz egiten da euskalkia. Baina kalean bakarrik ez, komunikabideetan ere Debagoieneko hizkeran ari direlakoan mintzo diren batzuek etengabe akatsak egiten dituzte, eta, itxura denez, ez die belarriko minik egiten. Gure katona zuzen eta egoki aritzeko gida izan daiteke. Ea, bada, Gure katona belarri eta aho askotara iristen den.
Roberto Altuna euskaltegiko irakasleak Gure katona izena jarri dio Oñatiko gramatika eta hiztegia jasotzen dituen ikerketa lanari. Bertan, Oñatiko eran hainbat berba nola esaten diren jaso du. Eta alboan, batuaz eta gazteleraz nola esaten diren. Baina gramatikan, aditzen munduan ere murgildu da, besteak beste. Lan bikaina, eta behar-beharrezkoa, nire ustez; zorionak egileari.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
