Hala ere, badirudi latina, greziera eta kultura klasikoa direla zinez azken hatsa ematekotan dauden alorrak hezkuntzan. Tristea da, Mendebaldeko pentsamoldearen oinarrietan hizkuntza horiek daudelako eta gaurko pentsamendu politikoak aro klasikoan inspiraturik daudelako: Erregea ala Errepublika, Zizeronen patrizioak ala Katilinaren proletarii-ak, Kraso ala Espartako, Zesar ala Bruto...? Liberalismoaren, komunismoaren, faxismoaren... oinarrian, izenetan bertan, Erroma eta Greziako zimenduak aurkitzen ditugu, baina batzuek gure ulermena ere kamustu nahi lukete. Quousque tandem?
Aspalditik dator: kultura klasikoa, latina, greziera... atzeraka doaz eskoletan eta unibertsitatean. Noski, kultura kapitalistaren ikuspegitik, ez dute askorik balio, ez diotelako kapital metaketari eta kontsumismoari ekarpen handirik egiten. Jakina, antzeko prozesuak ikusten ditugu Filosofiarekin eta Artearen Historiarekin. Filosofiaren kasuan, gainera, arriskutsua da bizi baldintzak okertzen ikusten dituzten gazteei gehiegi pentsaraztea, Filosofia fakultateetatik arazoak irten daitezke eta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak