Fukushimako istripua gertatu zenetik hona, robotak bidaltzen dituzte, erreaktorean dagoen uranioa nola dagoen ikusteko, baina lehenengoak bertan gelditzen ziren erradioaktibitatearen eraginez. Robot batek lortu du nahiko gertu heltzea eta argazki batzuk ateratzea, beste batek ukitzea lortu du, baina oraindik kontrolatu ezinda dabiltza; beste lur-ikara edo tsunami bat gertatuko balitz ez dago batere seguru planeta osoa; izan ere, aurten, otsailaren 13an, lur-ikara bat gertatu zen, 7 gradukoa, baina, zorionez, oraingoak ez du tsunamirik sortu.
Hamar urte hauetan, urarekin hozten dabiltza erreaktorea, eta ur erradioaktibo asko sortzen dute hondakin moduan; depositu handietan gordetzen dute, baina ikusirik gaia luzerako doala eta inguru osoa deposituz beteta dutela milioika ur tona erradioaktiborekin, erabaki dute itsasora isurtzea. Hori bai, esaten dute "depuratuta" botako dutela eta bakarrik tritioa edukiko duela ur hondakinak, esanez oraindik zientziak ez duela asmatu tritioa kenduko duen teknikarik eta ez duela gizakientzat kalterik sortuko.
Ez dakit zu, baina ni ez nago lasai, eta Japonia inguruko beste estatuak ere ez, eta, artean, batzuek esaten dute merkea dela energia nuklearra; noski, arazoak ondorengo belaunaldikoei pasatzen badizkiegu, bai.
Oraindik energia nuklearra erabiltzen duten argindar-enpresei erosten diezula argindarra?
