Denbora gutxian eta arrapaladan, aldaketa ugari bizi behar izan ditugu gure bizitzetan, lehen normaltasunez egiten genituen gauza asko bat-batean debeku bihurtu direnak, edota inoiz imajinatuko ez genituen ohiturak, egun batetik bestera gureganatu behar izan ditugunak –maskara, bilera, besarkada eta muxu birtualak, etengabeko garbiketa…–, eta hitz egiteko darabilgun hiztegia!
Honek ere izango du bere akabera, baina, hau guztia amaitzen denean, gure betiko bizimodu eta ohituretara bueltatuko al gara, sortu dugun glosario horrekin batera amesgaizto hau ere gure oroimeneko tarte urrun baten zokoratuta utziz, edota honek ere utziko digu bere arrastoa?
