Irribarrea ez da kultura guztietan berdin interpretatzen. Munduko 44 kulturatan egin dute ikerketa, 4.500 lagunekin, kontinente guztietan: pertsona irribarretsuen eta serioen argazkiak erakutsi dizkiete, eta puntuarazi. Argazki berak guztiei. Eta emaitzak desberdinak izan dira.
Inteligentziaren eta zintzotasunaren pertzepzioak neurtzea zen helburua. Japoniarrei, indiarrei eta korearrei, adibidez, irribarre egiten ez dutenak adimentsuagoak iruditu zaizkie. Alemanei, suitzarrei eta malaysiarrei, justu kontrakoa. 18 kulturatan bakarrik lotu dute irribarrea inteligentziarekin. Zintzotasunari dagokionez: irribarre egiten dutenek mesfidantza sortzen dute Indian eta Argentinan. Suitzan, Australian edo Filipinetan, ordea, irribarreak zintzotasuna adierazten du. 37 kulturatan lotu dute irribarrea zintzotasunarekin.
Eta euskaldunok, nola interpretatzen dugu irribarrea? Eta euskaldunok, nola interpretatzen dugu irribarrea?