Sekula ez da kontuan izan genero ikuspegia plazak, pasabideak eta parkeak diseinatzerakoan. Udal erabaki guztiak ere gizonezkoek hartu izan dituzte beti. Esanguratsua da 1260an Arrasateko hiribildua sortu zenetik 2007ra arte alkate guztiak gizonak izan direla. XXI. gizaldian, ordea, hirigintzara ere heldu da genero ikuspegia txertatzeko garaia. Emakume eta gizonek ez dute espazio publikoaren erabilera bera egiten, argi dago. Erosketak edo ume eta nagusien zaintza gehienbat emakumeek egiten dute. Zer esanik ez, kalean biolentzia eta jazarpen fisikoa sufritzeko arriskuaren harira.
Beraz, garaia da Arrasateko kale eta plazak irisgarriago eta seguruago egiteko, ikuspuntu berri honekin; argiteria hobetuz, kota diferentziak deuseztatuz eta puntu beltzak desagerraraziz. Jakin arren, genero ikuspegi hau txertatzearen aurkako erreakzioak sortuko direla hirigintzan gizonezkoen supremazia dudan jartzen dela sentitzen dutenenengandik, Alfontso X Jakintsua plazako sarrera belzten duen arkuaren eraisketaren aurkako erreakzioa kasu.
