Debagoienean ere energiarekin lotutako hainbat proiektu aurreikusita daude: bi zentral Aramaion –Ganborralden eta Jarindon–, Gatzagan beste bat, baita Antzuolan ere, eta azkena, oraingoz, Bergara eta Elgeta inguruan. Hainbat galdera sortzen zaizkit.
Zergatik orain? Zergatik, gehienbat, Araban? Nork irabazten du proiektu hauekin? Nork galdu? Zergatik ez dago Lurralde Antolamendu Planik? Zenbat zentral eoliko eta eguzki-poligono eraiki behar dira? Zenbat energia ekarri behar dugu kanpotik? Eta lehengaiak nondik? Eta zer jan behar dugu? Zergatik engainatzen dugu gure burua? Gurpil zoro hau gelditu ahal dugu? Gura dugu? Zenbat lagun gabiltza egunero autoan San Prudentzioko errotondan buelta eta buelta? Zertarako AHTa? 25 urte pasa dira Debagoienean lehen zentral eolikoa eraiki zela; zein onura ekarri ditu? Zerbait ikasi dugu?
Galdera ugari. Erantzuna, lagun, haizean omen dago.
----------
Jon Ugarte
Aramaio
