Wikipedixak Arrasateren gaiñien dakarrena ikusteko jakinmiñe ixotu jatan aurreko baten. Webgunien sartu, eta ezkerreko aldien, Santa Barbaratik ataratako argazkixe ikusi leike. Geografia, historia eta euskara moduko edukixen artien, badau bat arretie deiketan dauena: Arrasatear ospetsuen atala. Idazliak, filantropuak, musikarixak, kooperatibetako sortzailliak, ETAkidiak, kazetarixak, kirolarixak... die zerrenda luze baten agerketan dien mondrauetarrak.
Wikipedixaren arabera, Arrasateko alkate izan dien bederatzitik lauk bakarrik arrasatear ospetsu titulue daukie. 2011-15 urtietan alkate izan zan Iñazio Azkarraga-Urizar, adibidez, ez dau famauen zerrendan. Bere inguruan ibilli dienen ahotik jakin izen dot Iñazio ez dala famauzalie; hala eta be, harek eginddako lana nabarmendu gura dot, eta, batez be, ezberdiñekin berba egitteko eta akordixuak lortzeko euken gaittasuna azpimarratu.
Iñaziok eta haren taldiak Arrasaten herrigintza egitteko beste eredu bat badauela erakutsi euskuen. Eskerrik asko, Iñazio!
