Lagun baten gomendixuai jarraittuz, zapatuen, lobie hartu eta andrie eta hirurok Zigarrolan dauen Gure Zirkua ikustera fan gitzen. Gerturatuaz bat, zirkuko karpa txuri-gorrixari eta sarrerako karabana txikixei erreparatu nutzien. Sartzeko protokoluai jarraittuz, ikusle zerrendie konprobau, eskuak garbittu eta dagokixon distantzia errespetatuz aulkixen jarri eta gero, han egon gitzen emanaldixe nox hasiko zain.
Formatu txikiko ikuskizune izan arren, zirku batek euki bihar dauen dana dauko: trapezistak, musikarixak, paillazuek, kontorsionistak, mague, ekilibristak... pertsona nagusi zein gaztiez osatutako familixa txiki bat da. Berezko nortasune eta bakarra dan ikuskizune da, euskaldunek euskaldunei eskaiñitakue, erabat magikue, ikusgarrixe.
Ikusliok zutik eta txaloka agurtu gittuen bertako artistak, eta tartien, bateron batzui malko batek edo bestek ihes egin euskun argixek itxungi zienien.
