Arratsaldeko seirak eta ondion lanien gauz Ikastolan, kanpuen egundoko zarrabarra entzuten da, leixora hurbildu eta han nun datorren kotxez osatutako suga koloretsua. Nahiz eta sugak normalien ixilik dabitzen, hau sugioi zaratatsue da, eta antza, ez dauko gaiñera ixilketako asmorik. Haren uluek garbi entzuten ez dien arren, lantzian behin, boziñen gaiñetik, lan hitzarmena berbie aillegetan jaku belarrixetaraiño. Geure arteko batek ze pasetan dan galdetu dau, "Aita Mennikuek die" beste batek erantzun.
Itxialdixan txaloketan gittuen bihargiñek die, barriro be, kotxie hartu eta euren lan baldintzengatik borrokan dabitzenak. Gizartiandako, lehen, ipurdi garbitzaille, eta orain, heroi dien erizain laguntzailliak lan aldarrikapenak alde batera itxi dittue eta, txintik esan barik, jo ta sua biharrien ibilli die lanerako babes egoki barik.
Urak bere onera datozen honetan, txaluak jotziaz gain, gure nagusixak eta gaixuak zainketan dauen honetxein alde zer beste egin geinke?
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
