Ate irekiak Garaia Parke Teknologikoan programazioaren mundua ezagutzeko

Algorithmics programazio-akademiak 6 eta 17 urte bitarteko gazteak eta haien familiak gonbidatu ditu ate ireki berezietan parte hartzera, 2025-26 ikasturteko eskaintza eta metodologia bertatik bertara ezagutzeko. Ekitaldia irailaren 2an eta 9an izango da GARAIA Parke Teknologikoan, eta bi egunetan programazioari eta teknologia berriei lotutako doako tailerrak eskainiko dira. Izena emateko klikatu hemen.

Jardunaldiaren helburua gazteei programazioaren oinarriak hurbiltzea da, modu ludiko eta didaktikoan, eta familien zalantzak argitzea ikasturte berrian izena eman aurretik. Tailerretan parte hartzeko ez da aldez aurretik konpromisorik hartu behar.

Jarduera-programazioa:

• 10:00-11:00 – Python (12-17 urte): programazio-lengoaia erabilienaren hastapenak.
• 11:00-12:00 – Visual Programming (8-12 urte): ikusizko tresnak erabilita, logika konputazionala lantzen.
• 12:00-13:00 – Roblox (9-12 urte): parte-hartzaileek beren jokoa diseinatu eta sortuko dute Robloxen.
• 13:00-14:00 – Caballero del Código (6-7 urte): programazioaren oinarrizko kontzeptuak haurrentzat egokituta.
• 16:00-17:00 – Inteligencia Artificial (12-15 urte): adimen artifizialaren erabilera arduratsua eta pentsamendu kritikoa.