... lotsa falta txundiduraz ikusten ari gara.
Iraultza sozialista omen zen langileon askapenerako bidea, eta helburu hori lortzeko, dena omen zen zilegizkoa. Baita asasinaketa, bahiketa eta estortsioa ere.
Eta zer lortu dute beraien burua gure salbatzailetzat zeukaten hauek?
Zeintzuk izan dira ezker abertzaleak bultzatu duen estrategia politiko-militar horren ondorioak?
Euskal Herritarron artean justizia soziala zabaltzea, beharbada? Ez, horixe.
Estrategia horren ondorioak, zoritxarrez, bi izan dira: presoak eta biktimak.
Biktimen artean, gainera, sarritan langile xumeak. Bestela, gogoratu Ortega Lara langile publikoa edo Isaias Carrasco langilea. Ez lehengoaren bahiketak, ez bigarrenaren hilketak ere, ez zuten inolako aurrerapausorik lortu euskal herritarron arteko justizia sozialean.
Beraz; nor dago langileen alde? Zer egin du ezker abertzaleak justizia sozialaren alde?
--------------------
Eñaut Portuondo
Arrasate