Alderdi politikoen artean batzuk ezkutatzearen aldekoak dira eta beste batzuk, argitara ematearen aldekoak. Batzuek zein besteek, iritzi biek defenditzen duten helburua bera da: arrazakeria saihestea. Ezkutatu egin behar dela diotenek uste dute arrazakeria gehituko lukeela nongo herritarrak diren jakiteak. Argitara eman behar dela defendatzen dutenek, berriz, alderantziz, uste dute jakiteak arrazakeria gutxitzen lagunduko lukeela; horrela ikusiko dutelako delitugileen artean bertakoak ere badirela, eta, ezkutatzean, batek baino gehiagok pentsa dezakeelako denak edo gehienak kanpotarrak direla.
Eztabaida honi lotuta, ezkutatzearen aldeko batzuek ez daukate arazorik kontraesanetan erortzeko, eta pertsona ezagunei dagozkien gai delikatuak lau haizeetara ematen dituzte, egiten duten kaltea kontuan hartu gabe. Gaiaren arabera, beraien partzialtasuna nabaria da kasu askotan.