COVID-19tik libratu ezinik gabiltza urtebetean, eta luze doan ahalegin honek, oraingoz, hasieran uste genuen emaitzarik eman ez duenez, psikologikoki eragina izaten ari da denongan. Frustrazio handia sortuz, zalantzaz betetako unean bizi gara; hasi birusaren eragina ukatzen dituztenekin, eta agintariek hartzen dituzten neurriak zorrotzagoak izan behar direla uste dutenekin jarraituz. Irtenbidearen jakin-nahiak "errudunak" alde guztietan bilatzera eramaten gaitu.
Komunikabideetan egunero agertzen dira alderdi politikoen eta eragile desberdinen arteko ohiko ika-mika antzuak. Denok, edo gehienok, harritu gaituen, epaileak ostalaritzari buruz hartutako erabakia izan da. Eusko Jaurlaritzak eta epidemiologoek, batez ere, beren haserrea azaldu dute. Ez dute ulertzen epaileek zientzialarien eginkizunean hanka sartze hau egitea.
Eztabaida hauen artean arduratuta gaude, baina amesgaiztoko tunel luze eta ilun honetatik aterako gaituen txertoaren zain gaude.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
