Koroarekiko Zubiak: Nola Funtzionatzen Zuen Eraginak?
Noblezia tituluak, gorteko karguak, merkataritza pribilegiatuak... hainbat bide izan ziren Debagoieneko eragile hauek Koroarekin harremanetan jartzeko. Baina, nola baliatu zuten beren posizioa gure lurraldearen onurarako? Zer lortu zuten orduko eta egungo herritarrentzat? Zerga murrizketak, azpiegitura finantzaketak, merkataritza bideen erraztasunak... asko izan zitezkeen onurak. Baina, nola funtzionatzen zuen benetan eragin horrek? Zein ziren erabakiak hartzeko mekanismoak? Nepotismoaz, koipekeriaz, eroskeriaz, baliatzen ziren edo, meritu propioei esker iritsi ziren estatu barruko aparatuaren pribilegiozko karguetara?
Anonimoen Oihua: Historiaren Puzzlea Osatzen
Mercado de Zuazola apezpikua, Ondarça familia eta Garibay kronista... badakigu nortzuk izan ziren eragile garrantzitsu batzuk. Baina haien atzean, beste hainbat pertsonaia egon ziren, gure eskualdearen garapenean funtsezkoak izan zirenak. Historialari batzuk haien arrastoari jarraitzen dihardugu, eta datozen hilabeteetan argitaratuko ditugun aurkikuntzek argi berria emango diete garai hartako botere joko ilunei. Poliki-poliki argitzen joango gara Debagoieneko historiaren protagonista anonimoak! Goazen gure historiaren garairik emankorrena ezagutzera! Orain, bueltatzen gara artxiboetara, lizuna eta akaroen artean ikertzera.
