Familia gizarte txiki edo erle-multzo moduko bat da. Alde batetik, gizarteak gidatzen ditu familian ezartzen diren balioak, eta, beste alde batetik, familiak ezartzen ditu haren kide direnen balioak. Itxurak gorde nahi direnean krisi pertsonala sor daiteke. Bizitzak eta gu geuk sortzen ditugun presioei aurre egiten saiatu behar dugu.
Haurrak bere amarekin, amonarekin, anai-arrebekin eta lagunekin dituen harremanak ikusiko ditugu. Tradiziotik eta erlijiotik hurbilago dauden familiako kideak, eta naturarekin lotura handiagoa duten eta pentsamolde libreago duten
familiako kideak. Amak eta alabak borroka parekoa dute: biek ahalegin berezia egiten dute euren bizitzetan argia topatzeko.
20.000 especies de abejas pelikula interesgarria da. Estibaliz Urresola zuzendariak sentiberatasuna erakusten du haren pertsonaietara hurbildu gaitezen. Detailez azaltzen du nolakoak diren guztiak eta nola bizi den pertsonaia bakoitza. Istorioari dagokionez, une batzuetan, kontakizunaren garapena trabatu egiten dela esango nuke, eta filmak gehiegi irauten duela ere bai.
