Herri mugimenduak pil-pilean!

Erabiltzailearen aurpegia

Bailara bizia da Debagoiena herri mugimenduei dagokienez.

Hankak egungo testuinguruan

jarrita, hamaika taldetan murgildurik gabiltza/zabiltzate pertsona ugari. Sektore eta txoko askotatik eratorriak: mugimendu ekologistak, antidesarrollistak, feministak, elkartasun-mugimendu

internazionalistak, bazterketa sozialaren aurkakoak, LGTB mugimenduak, autogestioaren

ingurukoak, langileen borrokakoak, nekazarienak, jai eta aisialdiaren arlokoak, presoen eskubideen

aldekoak, kultura arlokoak... Zuei guztioi zuzendutako gonbidapen batekin gatoz Joxemi Zumalabe

Fundaziotik:

Herri mugimenduok gure lan gaitasuna indartu eta biderkatzeko, gogoeta eta elkarlanaz gain, gure burua bitarteko ezberdinez hornitzeko beharra dugula aldarrikatzen dihardugu azken urteotan. Are gehiago, aldarrikatzeaz gain, behar hori praktikara eramatea izan da gure egiteko nagusietako bat.

Hain zuzen ere, aldarri hori ipar harturik sortu genuen 2015ean Bor Bor (K) Herri Jakintzen Laborategia izenez ezagutzen den egitasmoa.

Egitasmo honen barruan, Pil-pilean izeneko ikastaroaren 3. edizioa abian jartzera goaz, eta hor doa gure gonbita! Ikastaroak herri mugimenduen saretzea, elkar ezagutza eta esperientzien trukea bultzatzeko elkargunea izan nahi du. Nola? Mugimenduen eragiteko zein jakintzak sortzeko gaitasuna landuz, herri jakintza teoriko zein praktikoak formazio eredu askatzaile baten bidean urratsak emanez. Zer landuko da bertan? Taldeen antolaketa, funtzionamendu eta aliantzak landuko ditugu, baita zapalkuntzen egungo mekanismoak eta alternatiba askatzaileak ere. Esperientzia honek irailetik maiatzera arte iraungo du, Euskal Herriko hainbat txokotako osagai eta zaporeak bildu nahi ditugu, su txikian zein bizian, esperimentu ederra aterako zaigu! 

Animatuko al zarete? Informazio gehiago, joxemizumalabe.eus atarian duzue; izena emateko garaiz zabiltzate –uztailaren 15era arte–.

----------

Ainhoa Narbaiza eta Pili Alvarez

Joxemi Zumalabe Fundazioko kideak

Debagoiena

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.