Dena den, pintaketen edukian jarri nahiko genuke arreta. Irudi horien margoketa ez baita kasualitatea. Bai, zakilak dira gehienak. Baina zerk garamatza horretara?
Falozentrismoak adiera bat baino gehiago izan ditzake, baina bada nabarmen azaleratzen den bat: zakila erdigunean jarrita, gizartearen ordenan nagusi izateko nahia. Gizontasunaren adierazlea. Hori da errepresentatzen duen puntuetako bat, egungo gizartean oraindik ere, eta tamalez, egon badagoena.
Espazio publikoak pribatizatu egiten dira, gizontasun horretatik okupatu, irudi bakar batek gaitasun hori ere izan dezakeelako. Baina errotik egin behar da aldaketa.
Norberarengandik hasi, eta onar ditzagun gure gorputzak, hitz egin dezagun gure gorputzei buruz, eta gorputzetatik. Guztiontzako lekua dagoelako, egon beharko lukeelako. Egin ditzagun espazioak ere gure.
Herri feminista eraikitzen jarraituko dugu, feminismoa ez delako zerrendetan egon behar duen balioetako bat, egunerokoan halabeharrezkoa baizik.
----------
Amaia Ramirez de Okariz
Andramanuelak taldea
Antzuola
