Kuriosoa da ikustea nola sortzen, garatzen eta iraungitzen diren pertsonen arteko harremanak. Egin ariketa sinplea: zuen inguruko hartu-emanak aztertu eta konturatuko zarete, beti dagoela balantzari desoreka eragiten dion alderdi bat. Badela boterea duen bat, bestea baino ahaltsuago dena eta honek darama lidergoa.
Boteredunak baditu baliabideak; zigortzeko batzuetan eta saritzeko bestetan. Boteredunarekin esanekoa izateak ez du beti balio, sarritan, behar da kontra egin. Ez da erreza jakitea noiz eta zenbateraino. Kritika ere jakin behar da kudeatzen. Kritika maila bat onargarri izan daiteke. Zaila da neurria hartzea.
Harremanek behar dute oreka puntu bat. Desoreka dagoenean ez da harreman sanoa izaten. Mendekoak eta menperatzaileak izaten dira alde bakoitzean eta horrek dakar alderdi bat antzutzea. Horrelakotan norbere duintasunaren alde egin beharra dago, kosta ala kosta. Kritika eta norbere adierazpen askatasuna norberak gorde behar dituen altxorrak dira, norbere muina direlako. Inori, inoiz, inon erasotzen laga barik. Ez dago norbere buruaren kontra jotzea baino eraso mingarriagorik.