Altxorra ez

Erabiltzailearen aurpegia

Euskararen Eguna (ere) aproposa da hitzekin jolasean aritzeko. Hitz-joko diferenteak egin daitezke, batzuetan arauak urratuz. Zailena izaten da, estetikarekin batera, produktuak esanahia izatea. Jarraian datorren testua, komatxoen artean, bi modutan irakur daiteke: lerroz lerro edo soilik lerro bakoitiak hartuta (1, 3, 5…).

"Euskara altxorra dela esaten

da sarritan. Bere balioa itzela

da, baina ez du zentzurik per-

lak lez kaxan gordetzeak, per-

tsonek ez erabiltzeak, gure bi-

zitzan lekua ez izateak eta al-

dean ez eramateak. Kontuz,

bazter hauetan eta urrunago,

euskara estimatzen ez duten

herritar xume eta intelektual

askok ere altxortzat dute, mu-

seo batean irten ezinik obli-

gatuta egoteko.

Hizkuntza ez da altxorra, ez.

Euskarak behar du beti mu-

ga barik ibiltzea eta lekuak ar-

gitzea, hau eta hori ukitzea.

Oraindik indar faltan daukagu.

Estualdiari aurre egiteko, kul-

pa ez ezker-eskuin bilatu, ohi-

tura aldatzen saiatu: gakoa da

goizetik gauera, toki guztietan,

euskara baliatzea. Horregatik,

ez bakarrik abenduaren 3an,

erabili eta erabili eta ez izan

inozoa, euskara ez da al-

txorra!".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.