Aste honetako Ordiziako koronabirus kasurako botere publikoek komunikabideak erabili dituzte kale hartan izan zirenei esateko beraiekin kontaktuan jartzeko. Ez dakit telefonoan sartu diguten aplikazioa martxan dagoen. Edonola ere, teknologia inbaditzaile honek baldintza egokienak dauzka Mendebaldeko demokrazietan (ere) sartzeko: 1. Beldurraren testuingurua. Jakina denez, shock egoerak dira une aproposenak neurri bereziak ezartzeko. 2. Osasun agintarien figura. Hutsezinak eta aseptikoak direlakoan agertzen dira. 3. Jende asko prest dago teknologia hori onartzeko; gogo onez, gainera: "Total, bizitza arrunta daramat, zeren beldur izan naiteke?".
Denbora kontua da agente publiko zein pribatuek, pandemiaz aparte, pertsonen mugimenduak errazago jarraitzeko erabiltzea.
