'Euskara eta natura txirikordatuz', solasaldia

Askotan entzun eta esan izan dugu euskaldunok harreman berezia daukagula naturarekin, gure identitatearen ezaugarrietako bat dela hori. Hala ote? Zer eragin izan du euskaldunok naturarekin daukagun harremanak gure ohituretan, gure hizkuntzan? Zein arrasto utzi du gure ahozko ondarean? Gure kondaira, sinismen, ipuin, hiztegi, kulturan, oro har?

Galdera horiek guztiak erantzuten saiatuko dira Eñaut Agirre filologoa eta Iñaki Sanz-Azkue biologoa, euskarak naturatik jaso duena ikertu eta Gure faunari eta florari begira liburuan jaso duten bi lagunak, Besaide Mendizale elkartearekin lankidetzan antolatu dugun berbaldian, Arrasaten.