Eta dena ondo doanean, primeran! Baina zerbaitek ongizatea eragozten digunean? Zer gertatzen da? Aldaketak, mugimenduak, erabakiak… deserosotasuna, konfort egoeraren hausketa, ingurukoen esamesak sortzen ditu eta horrelakoak ez dira inorentzat eroso; beraz, lasaitasunaren izenean, egoera betikotzeko joera izaten dugu gizakiok. Baina nora garamatza erosotasun hipnotiko horrek? Nola irten egoera hipnotiko horretatik? Eraldaketa bide atseginetik eragiteko aukera badaukagu, baina ez dugu maiz erabiltzen. Askotan, ezin dugulako, kontziente ez garelako… Horregatik, askotan, konfort egoera hori puskatzera datorren hori izaten da aldaketaren eragilea. Eta, normalean, datorrena desatsegina da: gaixotasuna, langabezia… Mugitzera garamatza, gure bizitza astinduz, krisian sartuz...
Horregatik, ongi etorriak deserosoak, estuak, gogorrak diren eta gure konfort bizimodu horretatik ongizatera eramango gaituzten krisiak.
