Askatasunez adierazteko eskaera

Erabiltzailearen aurpegia

Arraroa egiten da gaur egun, ohikoena adierazpen askatasunik eza denean, libreki adieraztea zigortua dagoenean, askatasunez adierazteko eskaera jasotzea. Eta, are gehiago, hori irakurle kopuru duin bat duen plataforma baterako izatea.

Harrigarriagoa zure gaitasunen artean idazketa ez dagoenean eta pertsona arrunt bat zarenean.

Bada, horixe da Goienaren eskutik jaso dudan eskaera. Eta nire harriduran murgilduta, harrotasun puntu batez eta lotsa handiz… buruari bueltak ematen hasi naiz; nori interesatuko zaio nire iritzia? Ez daukat denborarik, beste ardura bat? Nik ere badut iritzia... Eta neure burua benetan entzutea erabaki dut eta orduan jabetu naiz; nola ez erabili beste askori ukatzen zaion askatasunez adierazteko aukera?

Horregatik –ez bakarrik– eta kontzientziagatik eta koherentziatik egingo dut ahalegina, eta baietz esango diot erronka berriari. Errespetu handiz zurekiko, irakurle, espero dut mailan egotea, eta espero dut zure eta askoren ahotsak ekartzea, adierazpen askatasunagatik!

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.