Beraiek, aiton-amonek, ezberdintzen zituzten gaztaina motak. Hauek dira izen batzuk, baina nik ezin ditut bereiztu:
- Bergamentua: ederrena eta gozoena
- Bizkaigaztaina
- Berdegaztaina
- Hostobaltza: handia, gogorra, egosteko zaila, jateko ez hain ona baina produkzio handiko gaztaina
- Hegabera: mentutu gabea, aletik hazten dena
Oñatiko gazte talde bat hemengo gaztaina txertoak berreskuratu nahian ari da, horien artean basomutil bikainak ere badaude.
Gaztainondo zahar batzuek adar freskoren bat badute oraindik. Otsailean horietako adar batzuek moztu zituzten, datorren urtean mentu-zotz berriak izan ditzaten.
Ez dute lan erraza, gaztainondoak gaixorik daudelako. Arrakasta opa dizuet.
Argazkiak: Unai Agirre.