Arkaitz txoria (Tichodroma muraria), ameraun txorixa (Oñatin). Hegaztien zale guztiei ilusio berezia egiten die txori hau ikusteak. Zaila da aurkitzea eta zailagoa argazkiak ateratzea. Joseba Alberdik, Urkiolan lortu zuen argazkia ateratzea; bereak dira argazkiak.
Ingurune malkar eta harritsuetan aurki daitekeen txoria da, beste edozein hegaztirekin ezin nahas daitekeena. Euskal Herrian, oso leku gutxitan ezagutzen dira hegazti honen populazioak, batez ere Pirinioetan.
Udan ez dira ikusten Oñatin, baina neguan bakarren bat ikus daiteke Arantzazuko dorrearen inguruan eta Jaturabeko harkaitzetan, paretetan, tximeleta bat bezala hegan, intsektuak ehizatzen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
