Argi-oilar (Upupa epops). Oñatin, kiribillarra. Hegazti honek buruan lumaz eratutako gandor ikusgarri bat du, ornogabeak jaten ditu eta migratzailea da. Euskal Herrian, bereziki klima beroko lekuetan bizi da; ez asko, baina Oñatin ere ikusten dira.
Isuri Atlantikoan ia ez dago kiribillarrik, nahiz eta noizean behin umeak hazten dituzten. Nik ez dut inoiz aurkitu, baina batzuetan erraz aurki ei daiteke bere habia botatzen duen usain nazkagarriagatik; harrapakariak ez ei dira hurbiltzen, kiratsagatik.
Argazkia atera eta bideotxoa grabatu, Albarritzan egin zituzten, abuztuaren bukaeran, Borja Moiuak eta Ander Milikuak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
