Koartza hauskara (Ardea cinerea). Zikoina itxurako hegazti akuatiko dotorea da, liraina eta handia, lepo eta hanka luzekoa. Ibaietan, lakuetan eta ur gezako eta gaziko mota guztietako hezeguneetan bizi da. Lepoa atzeratuta egiten du hegan.
Denetarik jaten du: arrainak, karramarroak, apoak, igelak, sugeak, saguak... Geldi-geldi egoten da harrapakina inguratzeko zain, eta, bere moko zorrotzarekin, une batean eraso egiten dio. Urkulun talde sedentarioa dugu, baina Oñatiko ibaietan ere ez dira falta. Argazki hauek San Martingo (Oñati) zubitik atera nizkion (2021-08-06).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
