Buztinezko bainuaren ondoren, lokatzetan harrapatuta geratu ziren bizkarroiak kendu zituen basurdeak izei honetan. Ez dute edozein zuhaitz aukeratzen, baizik lodiera onekoak; izei honi ia azal osoa kendu diote eta ondoan daudenei ez die ukitu. Erretxinadun zuhaitzak aukeratzen dituzte batez ere, segurutik erretxinak intsektizidak dituelako.
Bere azala estaltzen duen lokatzak geruza artifizial bat sortzen du, neguan hotzetik isolatzen du eta udan berotik babesten. Zenbait adituk diotenez, hierarkia komunikatzeko sistema bat ere izan daiteke, haren domeinuaren eta sendotasunaren erakusgarri.
Oharra: Argazkiak Araotzen atera nituen 2021eko azaroaren 18an.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
