Lora honen gaztelerazko beste izen bat "maravillas" da.
Sendagarria dela badakit. Nik ez dut inoiz erabili horretarako, baina Gorka Setienek idatzi dit esaten berak ukendua egiten dutela loreekin, erredura, kolpeak eta zauriak zaintzeko baina baita bizarra eginda gero azalerako. Eta petaloak entsaladan jateko. Mariloka deitzen diotela etxean.
Josebe Blancok, berriz, esan dit izugarri estimatzen duela loretxo hori. Maiz erabiltzen duela erredurak eta abarrak zaintzeko. Are gehiago maite duela orain Fermin Valenciari esker abesti hau entzun zuenetik. Nik neuk Naparren Margaritaren omenaldian ikusi nuen Fermin Valencia kanta hori kantatzen Oñatin, entzuten dudan bakoitzean oilo ipurdia jartzen zait.
Loreen inguruan izaten ditudan zalantzek Iker Novoari galdetzen dizkiot.
