Itxurakeriatik konpromisoetara pasatzeko unea.

Erabiltzailearen aurpegia

Aste honetako udalbatza: Indarkeria matxistaren aurrean itxurakeriatik konpromisoetara pasatzeko zailtasunak.

Pasa den astearteko, Azaroak 26ko, Ohiko Bilkuran, herritarren ordezkari diren gainontzeko alderdi politikoek (EAJ eta Elizateen elkartea) onartua izango zenaren esperantzan idatzi bat aurkeztu genuen. Idatzi horren baitako proposamenak aurreko astetik ezagutzen zituzten arren, ez genuen ez baiezko ez ezezkorik jaso bere momentuan.

Bozketaren emaitzak:

EAJ: 5 EZ.

Elizateen Elkartea: 1 EZ.

Ehbildu: 4 BAI.

Bozketaren emaitzen harira, argi ikusten da gai honen inguruan Eskoriatzako Udalak azaltzen duen jarrera, Itxurakeria!!!.

Hona hemen aurkeztutako proposamenak:

(...) Eskoriatzako Udalaren EH Bilduko taldeak honako adierazpen instituzional hau aurkeztu nahi du, Osoko Bilkuran eztabaidatu eta ondoren onartzeko.

(...) indarkeria matxistaren aurkako nazioarteko egun honetan, sendo adierazi nahi dugu Euskal Herria feminista, justu eta ekitatezko baten aldeko aldarrikapena, bide horren eraikuntzan honako konpromiso hauek gure gain hartuz:

PROPOSAMENA:

1.- Eskoriatzako Udalhonek, Emakumeen Munduko Martxak bultzatutako indarkeria matxistaren aurreko erantzun-protokoloa bere egiten du.

2.- Eskoriatzako Udal honek Foru Aldundiari eta Emakunderi / Nafarroako Berdintasunerako Institutuari eskatzen die emakume eta gizonen arteko berdintasunaren alorreko aurrekontu-partidak handitzeko, berdintasun-zuzendaritzak eta epaitegi espezializatuak modu iraunkorrean sendotzeko eta indarreko legeria berraztertzeko konpromisoa hartzeko.

3.- Eskoriatzako Udal honek herritarrentzako, eta bereziki emakumeentzako, dauden baliabideen gaineko informazioa eskuratzeko bideak erraztuko ditu eta dagokion lurralde mailan, indarkeria matxistaren kontrako zerbitzu-sarearen funtzionamendu egokia, elkarlana eta koordinazioa bultzatuko du, beti ere, kontuan hartuz adin txikikoak eta biktimen seme-alabak.

4.- Eskoriatzako Udal honek, neskei, gazteei eta emakume helduei zuzendutako jabekuntza jarduerak abiatuko ditu, besteak beste ondorengo gaiak jorratu ahal izateko modu iraunkorrean: autodefentsa feminista, bikote harremanak eta harreman sexu-afektiboak, amodio erromantikoak, sexualitate libreak, etab.

5.-Eskoriatzako Udal honek, nerabeei eta gazteei zuzendutako sentsibilizazio eta formazio jarduerak iraunkorrak abiatuko ditu emakume eta gizonen arteko harreman parekideak sustatzeko xedez, zehazki: hezkuntza sexu-afektiboa lantzeko, indarkeria matxisten askotariko adierazpenak desnaturalizatzeko, baiezko onespena lantzeko, maskulinitate ereduak lantzeko, arrazoi ezberdinengatik emakumeak pairatzen dituzten egoera desberdinen ezagutzan sakonduz: emakume etorkinak, arrazialak, genero identitateak, preso daudenak ... etab.

6.- Eskoriatzako Udal honek, indarkeria matxista jasan duten emakumeen erreparazio eskubidea lantzeko jarduera iraunkorrak martxan jarriko ditu besteren artean, omenaldiak, zineforumak, bisibilizazio ekimenak (kaleen izenak edo jardunaldiak, kasu), kalte-ordainketak, akonpainamendu soziala, etab. jasoz.

7.- Eskoriatzako Udal honek, genero indarkeriaren aurrean gizonen bisibilizazioari dei egingo dio, kontrako mezu argiak erabiliz.

8.- Erakunde honetatik, hau da, Eskoriatzako udaletik, borroka feministaren alde hartu dugun konpromisoa berretsi nahi dugu, indarkeriarik gabeko gizarte demokratiko bat eraikitzeko bide eta tresna nagusia den heinean.

9.- Bat egiten dugu mugimendu feministak azaroaren 25erako deitutako mobilizazioekin, eta jendarte osoari ere dei egiten diogu mobilizazio horretan parte har dezan.

ESKORIATZAKO EHBILDU UDAL TALDEA.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.