Esan beharra daukagu egin ditugun proposamenak sinisten ez dugun eredu baten gainean egiten ditugula, eredu honek sor ditzakeen eraginak murrizteko asmoz. Gure talde politikoak justizia soziala eta fiskalitate progresiboa oinarritzat dituen eredu baten sinisten du eta hau ez da islatzen inondik inora ordenantza hauetan. Hauek lantzeko prozesuak ere utsune ugari ditu eta ez du hiritarren parte hartze aktiboa eta burujabetzea sustatzen.
Baleike Udal Taldeak 5 emendakin egin dizkiogu Gobernu Taldeak aurkeztu duen 2017rako Ordenantza Fiskalen proposamenari. Hauetatik 4 kanpoan gelditu dira.
Gure proposamenak familiei eta komertzio txikiei begira bideratu dira, hauen ahalmen ekonomikoari galera txikiena sortu nahian, hauentzat tasak mantenduz eta ahalmen handiko empresa edo industriei areagotuz.
Gobernu Taldearen xedea tasak hiritar guztioi bereiztasunik gabe %2 igotzea da, inongo hausnarketarik egin gabe hauek hiritarrengan izango duten eraginean. Adibide garbia izan da Etxebizitza Tutelatuen kasua, non gobernuarengatik balitz, erabiltzaileei 14€ gehiago kobratuko zitzaien, kontuan hartu gabe erabitzaile talde honek dituten baldintza eta zailtasunak. Eskertzen diogu gure emendakina onartu izana eta tasa hau ez igotzea, baina gobernuaren improbisazioa ikuskatzen da eta mahai gainean jarri nahiago dutela igoera homogeneoa guztioi jazarri bankuei zoru publikoa modu pribatuan erabiltzearren kobratu baino.
Aipatu ditugun arrazoi guzti hauen ondorioz, ezin diegu ordenantza fiskal hauei onespena eman, prozesuarekin ez bait gaude ados eta emaitzarekin are gutxiago. Improbisazioz eta hausnartu gabeko ondorioak ezin ditugu onartu. Gure printzipio eta konpromezuak kontra bozkatzera behartzen gaitu.
